Convocadas as axudas do Leader 14-20

Coa publicación no DOGA do 30 de Xaneiro da convocatoria Leader iniciase o periodo para a presentación de proxecxtos.

Esta primeira convocatoria finaliza inicialmente o 31 de Marzo.

O DOGA publica a "RESOLUCIÓN do 30 de decembro de 2016 pola que se convocan, mediante
tramitación anticipada de gasto, subvencións para a execución de proxectos ao abeiro da submedida 19.2 (apoio para a realización de operacións conforme a estratexia de desenvolvemento local participativo), da medida Leader do Programa de desenvolvemento rural de Galicia 2014-2020, para as anualidades 2017 e 2018, cofinanciadas co Fondo Europeo Agrícola de Desenvolvemento
Rural.

Mais información póñanse en contacto a través dos teléfonos que figuran en este blogue.

Presentouse a Estratexia de Desenvolvemento Local Participativo (ELDP)

Este mes de Xullo deuselle resposta á convocatoria Leader realizada pola Xunta de Galicia.

A Administración dispón de catro meses para resolver a convocatoria, a contiuación asinará os convenios coas entidades beneficiarias nos diferentes territorios, para poder abrir o periodo de solicitudes de axuda contra a financiación Leader que xestionará Seitura 22.

O documento íntegro está a disposición para a súa consulta na páxina de descargas de este mesmo blog.

Aprobada a Estratexia e o Plan de Acción de Seitura 22 para o periodo 2.014-2.020

Onte celebrouse na Malata a Asamblea de Seitura 22 na que se espuxeron os principais documentos que constituen a candidatura da Asociación ao programa Leader 14-20.

Ademais dos anteditos Estratexia e Plan de Acción, aprobouse o Cadro Fiancieiro, que se presentará ao programa cifrado en 5 millóns de euros, e os Criterios de Selección de Proxectos. Estos dous últimos documentos sufriron modificacións gracias ao debate suscitado, ao respecto das propostas inicialmente presentadas.

Convocada Asemblea da Asociación SEITURA22 para o luns día 20 en FIMO, Ferrol.

Na Asamblea presentarase a Estratexia de Desenvolvemento Local Participativa (EDLP).

A  Asamblea servirá de presentación da Estratexia de Desenvolvemento Local Participativa (EDLP) da Asociación SEITURA22, coa que pretendemos concorrer á convocatoria de AGADER para xestionar o Programa LEADER de Galicia 2014-2020, no ámbito territorial dos 22 concellos do noso contorno.

Dita asemblea terá lugar o LUNS DÍA 20 DE XUÑO de 2016, ás 19:30 horas, en primeira convocatoria e ás 20:00 en segunda convocatoria, no Auditorio de FIMO (Ferrol), situado no edificio de servizos múltiples (subindo as escaleiras principais e despois da porta xiratoria ao lado das oficinas de Costa Noroeste ).

Nesta asemblea informativa darase conta á sociedade civil e institucional, participantes no proceso, do resultado do traballo feito durante os meses pasados, cunha exposición e visualización dos contidos da Estratexia.

Tamén se recollerán as suxestións que se queiran aportar, co fin de pechar o documento e presentalo ante a Xunta de Galicia na última semana de xuño, prazo no que remata a presentación de candidaturas.

Asuntos, todos eles que se desenvolverán na seguinte ODD:

1. Dar conta do documento “Estratexia de Desenvolvemento Local Participativa do Grupo de Desenvolvemento Local Asociación SEITURA22”.
2. Propostas ou suxestións a EDLP.
3. Acordo de aprobación , se procede, da EDLP SEITURA22.
4. Rogos e preguntas.

A este respecto están a disposición dos interesados, no apartado de descargas de este blog, os arquivos de:

- Estratexia Seitura 22

- Plan de Acción Seitura 22

As diferentes Mesas Sectoriais validan o diagnóstico territorial.

Nas diferentes xuntanzas acabouse de perfilar as conclusións do Diagnóstico e avanzouse na formulación de propostas que serviran de base á Estratexia e o Plan de Acción. 

O longo da presente semana incorporaranse as diferentes aportacións que permitirán pechar o documento de Diagnóstico. Así que previsiblemente estará subido ao blog a próxima semana na súa versión definitiva.

A pasada semana foron dous os encontros realizados, por unha banda o Mercores 18 xuntaronse as Mesas de Empresarios e de Turismo en Ortigueira, no Centro Social.

 

Asimesmo o Xoves 19 foi o turno da Mesa Agroforestal, reunida na Capela na Biblioteca Municipal:

 

O Luns 23 foi o encontro da Mesa Institucional no Concello de Narón.

 

E tamén foi a data do encontro das Mesas Sociocomunitaria e de Benestar, que se reuniron en Neda:

Subiuse o Borrador da Diagnose do Territorio

Trátase dun documento de traballo polo que non é o definitivo.

Ainda que non concluiu a redacción do mesmo, optouse por poñer a disposición das persoas interesadas o documento para facilitar a participación das mesmas nesta segunda volta de encontros sectoriais (Ver convocatoria na anterior entrada). O documento pódese consultar ou copiar no apartado "Descargas".

Así pódese consultar a síntese da Diagnose, contida nas últimas páxinas, para facer chegar as aportacións que se estimen oportunas ben nos antedidos encontros (Mesas Sectoriais) ben a través das oficinas presentes no apartado "Contacto" (vía correo electrónico, telefónica ou presencialmente).

Nova convocatoria das Mesas Sectoriais

Co obxectivo de pechar o Diagnóstico e abordar o Plan de Acción.

Esta segunda convocatoria das Mesas Sectoriais consistirá en talleres de participación para terminar de definir a situación dos diferentes sectores socioeconómicos do ámbito territorial da Asociación Seitura 22, e fundamentalmente recoller ás diferentes aportacións e iniciativas que permitan elaborar a estratexia de desenvolvemento da Asociación.

Estas reunións están abertas á participación dos diferentes axentes e persoas interesadas, máis alá das entidades que xa forman parte de Seitura 22 ou que prevén asociarse no futuro.

Mercores 18: Mesas Empresarios e Turismo. Ortigueira ás 19:00h. No Centro Social (Travesía de la Alameda s/n).

Xoves 19: Mesa Agroforestal. A Capela ás 19:00h. Biblioteca Municipal.

Luns 23: Mesa Institucional. Casa do Concello de Narón ás 11:30h.

Luns 23: Mesas Benestar e Sociocomunitaria. Neda 19:00h. Centro Cívico.