Talleres de participación pública da Infraestrutura Verde da área da Coruña

Nos próximos días, celebraranse unha serie de talleres de participación pública para a iniciativa da Infraestrutura Verde da área da Coruña, en diversos concellos da nosa Asociación. Estes encontros, abertos a toda a cidadanía interesada, buscan recoller as propostas e ideas da poboación para coñecer a situación ambiental da zona e as opinións para mellorar e manter as áreas naturais e a ordenación do territorio desde unha perspectiva medio ambiental, ademais de identificar posibles sendas e rutas ou espazos de ocio que se poderían crear ou mellorar.

Os talleres que se desenvolverán en horario de tarde (18:30 h.), teñen as seguintes datas e lugares previstos, aínda que poderían sufrir cambios por motivos de organización:

Área de Monfero - A Capela - As Pontes: data pendente de confirmación, no Concello das Pontes

Área de Pontedeume - Cabanas: 10 de abril, na Aula Nº 14, Edif. Foremdes, Avda. Ricardo Sánchez s/n, Pontedeume.

Área de Ares - Fene - Mugardos: 12 de abril, no Salón de Actos do Edificio da Alianza Aresana, Rúa María Nº 11, Ares.

Para máis información pódese consultar o apartado de Actividades de este blog, consultar a páxina web infraestruturaverdecoruna.gal, enviar un correo electrónico ao enderezo info@infraestruturaverdecoruna.gal ou chamar ao teléfono 981 669 541.