Horarios Xullo e Agosto

Por mor das vacacións a oficina de As Pontes permanecerá pechada entre o 24 de Xullo e o 4 de Agosto.
A oficina de Ortigueira pechará do 24 de Xullo ao 11 de Agosto.
Durante estes días poderán seguir realizando trámites e consultas a través da oficina de Ferrol en horario de 9:00 a 14:30 para a atención ao público.

Convocadas as Mesas Sectoriais da Asoc. Seitura 22

Entre o 22 e o 30 de Maio celebraranse as diferentes Mesas Sectoriais da Asociación.

Tal e como marcan os estatutos da Asociación Seitura22,  nos próximos días vanse convocar as diferentes Mesas Sectoriais nas que está organizada a Asociación.

Pretendemos que estas mesas de traballo nos permitan mellorar a xestión que se está realizando desde a Asociación, así como traballar dous aspectos fundamentais:

- Identificar as necesidades dos diferentes sectores nos que está organizada a Asociación e ver en que medida esta pode dar resposta ás mesmas.

- Abrir o proceso de renovación da Xunta Directiva da Asociación Seitura22. A Mesa proporá os seus representantes na Xunta Directiva (só para socios).

 O Calendario previsto para a convocatoria das diferentes mesas é o seguinte:

• Mesa de Dinamización Sociocomunitaria: día 22 de maio, ás 20:00 horas, no 2º Andar do Concello de Narón (Praza de Galicia, s/nº).
• Mesa Agroforestal: día 23 de maio, ás 20:00 horas, no Centro Administrativo Pontés (CAP) do Concello de As Pontes (Rúa Juan Antonio Suances, s/nº). 
• Mesa de Turismo e Hostalería: día 25 de maio, ás 20:00 horas, no Antigo Hospitalillo de San Roque do Concello de Ortigueira (Rúa Príncipe, O Ponto).
• Mesa Empresarial e do Emprego: día 29 de maio, ás 20:00 horas, na Casa da Cultura do Concello de Fene (Avda. Conces, 22).
• Mesa de Benestar Social: día 30 de maio, ás 20:00 horas, no Antigo Hospicio Municipal do Concello de Ferrol (Rúa Méndez Núñez, 11, Esq. Praza de Amboaxe).

Dado que este é un proceso aberto a todas as persoas e entidades interesadas, pedímoslle que lle dean a maior difusión posible.

Charla informativa en Monfero; o Luns 27

Terá lugar na Cámara Agraria ás 20:00h.

Enlace ao portal electrónico da Xunta

MR701D - Axudas LEADER. PDR de Galicia 2014-2020.

De cara a facilitar a tramitación das solicitudes de axuda ao programa Leader de Seitura22 adxuntamos o enlace ao portal electrónico da Xunta, onde ademais de realizar a propia tramitación, podedes consultar a documentación necesaria, descargar os modelos normalizados para cumprimentalos, etc.

https://sede.xunta.gal/detalle-procedemento?codCons=MR&codProc=701D&procedemento=MR701D

Aproveitamos para recordarvos que é convinte poñerse en contacto coa Asoc. Seitura22, antes de iniciar a tramitación para facilitar a mesma e limitar as complicacións burocráticas.

Convocadas charlas informativas en Ares, Neda, Cariño, Mugardos e Narón.

As xa anunciadas charlas de Miño, Pontedeume e Cabanas, súmanse agora Ares,  Neda, Cariño, Mugardos e Narón.

O Martes día 7 ás 20:00 nos locais da Alianza Aresana será o encontro de Ares.
O Luns 13, ás 19:30 na Casa das Palmeiras será o de Neda.
O Martes 14, ás 19:30 h no Salón de Plenos do Concello Cariño.

• Concello de Mugardos: xoves, día 16 de Marzo, ás 19:30 h no Salón de Plenos do Concello.
• Concello de Narón: venres, día 24 de Marzo, ás 19:00 h no Café Teatro do Pazo da Cultura.

 

Tres novas convocatorias nos primeiros días de Marzo

Continuando co Plan de difusión das axudas do Leader temos tres novas convocatorias de xuntanzas informativas.

 

Miño; O encontro será o Xoves día 2 de Marzo ás 20:00h no Centro Social da Rúa.

Pontedeume; A charla terá lugar o Mercores día 8 de Marzo ás 20:00 h na Casa da Cultura.

Cabanas; A presentación será o Xoves día 9 de Marzo ás 20:00 h no Salón de Plenos do Concello.


No transcurso do encontro presentaranse as axudas do Leader, atendendo a tipoloxía de proxectos subvencionables, o procedemento de tramitación, a documentación necesaria, etc. procurando resolver as dúbidas dos presentes.

Inicianse as xuntanzas informativas sobre as axudas do LEADER

A primeira será en As Pontes o vindeiro martes día 21 de Febreiro.

Con motivo da apertura da convocatoria das axudas no marco do Programa LEADER 2.014-2.020 realizaranse unha serie de reunións informativas abertas á poboación en xeral para dar a coñecer as mesmas.

As reunións previstas nunha primeira instancia son as seguintes:

       --     Día   21/02/17 ás  20:00 horas no Salón de actos da Asociación SEARA  situado na Polígono Industrial de Penapurreira – Parcela Equipamiento, 1, Concello das Pontes.

-      Día   22/02/17 ás 20:00 horas na Fundación Ortegalia situada na Avda. Francisco Santiago 6-9, Concello de Ortigueira.

-    Día   23/02/17 ás 20:00 horas no auditorio do Centro Torrente Ballester na rúa Concepción Arenal no Concello de Ferrol.